موقع الشاعر والمسرحي مؤيد الأمين

تمت اضافة فيديو جديد من طرف الشاعر مؤيد الأمين https://youtu.be/a0lYjWZ-lxc
عزيزي الزائر مرحبا بك في منتديات الشاعر مؤيد الأمين اضعط علي تسجيل للتمتع بمزايا اخري
احلي المواضيع والمناقشات هنا سجل وشارك

    lمسرحية وميض في لج العتمة

    شاطر
    avatar
    مؤيد الأمين

    عدد المساهمات : 96
    تاريخ التسجيل : 07/02/2014

    lمسرحية وميض في لج العتمة

    مُساهمة من طرف مؤيد الأمين في السبت فبراير 22, 2014 6:17 pm

    بسم الله الحم الرحيم
      
     
     
    جماعة مسرح السودان الواحد
     
    مسرحية 
     
     
     
     
     
     
                              22\2\2014                         لشاعر    مؤيد الأمين
     
     
     
    مشهد اول
    ام بترضع شافع
    فاتحه ايديها قصاد الشارع
    تقش نخريها بحنية توبه
    وناس حوليها تجوط وتصارع
    في البديها يحن لي حالها
    وهي بتدعليلو الخير الطالع
    الأم    الله يكتر من حسناتك
          ومنع منك شرا واقع
    تتوق وتعاين تنية ايدا
    وترجع تاني تمد الشارع
    _____
    مرة القاسم وعبد القاسم
    توبومقطع  وجيبو مرقع
    كان بتلفت وشو مورم
    كنو مكفت
    وعبد القاسم قش شواربو كان بتبسم
    (اقترب القاسم  من الفتاة واعطاها خمسين قرش.........ووقف يراقب الفتاة  التي هرولت نحو بايع الحلويات  وعبد القاسم يراقب الحدث بدهشة)
    في زاويه بعيد
    انسان شايل في عيونو الخوف
    للعالم اعاين بالرقراق
    في ايدو قلم مقسوم نصين
    رجليو وسخانه مجلبطة طين
    اشر لنيل
    والنيل متسرع جاري الموج
    والموج ما عارف واصل وين ؟
    -       عاين دنقر  صنقع وصنقر
    -       فكر قرر
    -       من تاني وقف لنيل اشر
    -       والنيل مزحوم
    -       بالخير والشر
    -       عاين عاين
    -       فجاءة تزكر
    باحساس مجروح
    من دمع الشفع كل صباح
    القلم  الهندسة والكراس
    في اية تحتاس كلك احساس
    تتنفس  من خرم الأبريق
    الحال تضيق
    والباب والشارع  متحدين
    الزيت  البن
    اللبن الشاي
    والالم يتجدد كل صباح
    طابور العيش
    الجاز الغاز
    حق الكبريت
    في القرة تقالد ايدينك
    تفرك كفينا ما بتدفاء
    القلب غريق
    في بحر الضيق
    لا موج لا مركب لا مرفاء
    مشهد تاني
    (المكان _في مكان ما في مخيلتي في شحيح زاكرتي الملءة بالضمور يجلس قاسم  والناس تمسح البلاط بالدموع فرحة لان قاسم صديق من يعافر الالم 
    صديق من يعاني اي ضيق
    وحلم من يراود الخيال زائره  فتزهر الاشواك ويدخل النسيم
    سحاية لظامئ لم يراء المياه من سنين
    كم واحد دقة بابة  لينجب البنات البنين
    فقاسم تجلي كانجوم , كواكب لاتحدها غيوم
    .............
    .........
    ....
    ...
    ..
    تالت مشهد
    ساي في الشارع ناس بتجابد وناس بتصارع ناس بتكورك وناس بتصارع وتسكت حبه وفجاء تجوط   عبد القاسم شايل سوط اجابد اعافر وسط الناس
    عبد القاسم      سيب حاجاتك واوعه تجوط ...عارف السوق عايز ترخيس ... سيب الجاجة ومد الكيس
    شاب بس الكيس جواهو بضايع ....عندي ابوي رجليو مقطوعة بياكل منو وكم من شافع ...الله ازيدك سيب الحاجة ... بفرش تاني  قصاد الجامع .....
    عبد القاسم    عندك هس بطاقة عامل ...
    الشاب     بطاقة عامل ؟؟؟ ووينو العامل !!!!
    عبد القاسم     ايوا بطاقة عامل  ....
    الشاب        بس  نحن عطالة ...
    عبد القاسم     ما نحن لازم نعمل فيها بطايق  ... نعرف العامل من الفايق .... نكتب اسمك سنك عملك . ....
     الشاب      بس نحن عطالة ... خمس سنين  من اتخرجنا   ولا سافرنا ولا اتوظفنا في دي الحالة   قلنا نعيش في الدنيا حلالة ...
    عبد القاسم     قفل خشمك  وبطل نقة  فوق المهنه بكتب عاطل .... عشان ما تعمل رخسة عامل    جيب صورتين وشهادة خبرة  ولحسة كوعك  وواعه تماطل  والفرصة معاك لي سته دقايق   وحلل انت فصيلت  لونك ومين بتشجع...  شايف ... الموضوع كيف هين وساهل .
    الشاب     فعلا  ساهل (يخرج عبد القاسم وحاشيتة _ ويبقي الشاب وجموع الناس تلتف حولة )
    الشاب    ياناس   ياهووو ..... امتين الصمت (الشاب يصرخ با اعلي الصوت وحولية الناس بتلف وتجوط ....)   لمتين الصمت ؟
    الجموع      مسكين الشاب  ... جن المسكين .... يازول   استخر .....
    الشاب       الصمت كلام  ... والخوف مطلوق   في قلوب الناس .... والعتمة بيوت ... والخوف  تابوت  ياناس يا صاح    والصاح  مكبوت ... لمتين الشر والعنمة تفوت ؟ .... لمتين بنعاين بالرقراق .... والامر الضاق (( يجلس وارسم في الارض خطوط ))....
    (تدخل بنوته  ؤؤتتلفت )
    في وحل الخوف .... والدنيا كسوف لي حد الشوف ... توقف  تتأمل في ذانة ... وايديها نقاوم ضرب الصوط ...  تصرخ وصرخ  وتتوسل ...ترفع عينها بتتأمل  ... هي فعلا كانت تتذكر
    الفتاة     ياظالم      كفايا كفايا ... ياظالم ...... عملتة  حدود لي نزف الدم ...ماف تاني دموع ...لا خوف لا هم لا يوم ارجع لي بيتك واستسلم .....يابوي  اسمع انا هس كبرتة وصدري اتكور من حصنك لازم اتحرر ....انا بكرة  سيرتك ياطاقية .... منك بنفر يالكلك شر ....انا امي الماتت بالوجعة .... اخفض صوتك ونزل صوتك ... ليه علي طول صارلي جبينك تنهي دوام فيني و تتأمر ...غيرة بفكرك شكل الكون .... الفكر السادي  والاشتر ....
    (ينتبه الشاب  للفتاة _يتحرك نوها ببطء )
     
    _عبد االقاسم     مستقرب فوثك ومتعجب
    - القاسم         في شنو ؟
    عبد القاسم        الناس البتمسح في دموعة .......وانت المتسبب في جوعا... باسمك تقسم ووتتعشم    متناسية همومه ووجوعه ..
    القاسم      (يضحك)  بنسبة لشافعة الفي الشارع ؟
    عبد القاسم       مافاهم ؟؟؟ من جيبك تمرق ودتديها !!!
    القاسم      خسابات يا اطشم ... لسع ماعايز تتعلم   سته في واحد 
    عبد القاسم    (يفكر قليلا )   ماقادر افهم  .. انت بتدفع  وبرضوا بنكسب  ووعه تقول انك بتكسب حسنات ؟  وبتكسب كم ؟  ما قادز اقهم
     القاسم      البت حا تشنري مصاصة
    عبد القاسم     دة اكيد (ينظر القاسم الية بتعجب ) اااوووه فهمته حتشتري مصاصة  وانت صاحب المصنع  بس كدى واحد في واحد ويساوي الواحد نفسو
    القاسم     واحد في ستة مضاعف الرقم سته ويزداد كل ما اتسعت المتوالية
    سياسة تدفع اقل  وتكسب اكتر
    عبد القاسم      كيف  ؟
    القاسم       البت اشترت مصاصة واحد  حتشتري معجون وفرشة شان يروح الم الاسنان اتنين حتمشي لمقابلة طبيب الاسنان حيقطع  تزكرة دخول  وتشتري الدوه  كدة سته في واحد
     عبد القاسم       ياة   واته صاحب مصنع المصاصة  ومصنع المعجون واته المستشفي والطبيب والصيداني
    عبد القاسم    انا الشحاد وانا الشارع    انا التاجر وانا الجامع انا المصنع انا العامل وانا المعطي وانا المانع .انا المصنع العمال لمن تعرف في الجيب كم تصبح سلطة والمال سلطة
    والسلطة نفوز تبقي سياسة والسياسة لاذم تتعلم ......كيف في في العالم تقدر تتحكم
    عبد القاسم    طيب والجامع ؟
    القاسم    دايما بضحكني بي سزاجتك يا........ الواضح لسع ما فاهم برواز زهبي في زهن الكل
    عبد القاسم   ماممصدق بس شان تكون في زهن الناس انسان خيُر؟
    القاسم     الابريق في وكت الضيق يصبح بترول...
    عبد القاسم   كيف يعني ؟ الناس الحاتخش الجامع  حاتخش بقروش ؟؟؟
    القاسم         دايما تكتب في برة السطر  الدنيا قطر البنزل منها هو المطر والكل الحوليك حدود وقيود مافيها مفر  والناس تحلم بي جنه وقصر وسعادة ومال محسوب لا بنقص وزنو ولا بكتر . انشالله فهمتة .
    عبد القاسم     اكيد دة كلامك ..... الكل في راسو خيال وصور  والمال محسوب 
    والجامع مشروع مربح جدا ...حمامات  .... ووضايات .... والعايز اعمل حاجة ....
    في اليوم ممكن يدخل جيبك اكتر من سيد الدكان
    القاسم     دة نظام دائري متكامل الساسة والسادة والعمال حالن بعضعها نفس الحال ...  في الاخر هم خدام المال وطول ماناس جواها الخوف  وماقادرة تشوف حاظل سلطان .
    عبد القاسم    واعظم سلطان .
    قطع .... اطلام
    احداث تتواصل وتتواتر .... دخل الشاعر ....
    الشاعر    الضلمة الساكنة قلوب الناس .... واحساس الخوف من بكرة.... والناس بيداوو همومن بالزكرة ........ انا .انا جواي حروف ... في الضلمه تشع ...تكسر حاجز الهم والخوف ... بس   الناس يتعاين في الواطة ... بتخاف الضل  والضل  اصبح ضلمة وعتمة ...
     كيفن الناس من عبرو تشوف .... ؟؟؟ اكتب لي  منو ؟  الناس  لا بتسمع لا بنشوف ... طيب اكتب لي منو .... مافيش احساس  با بكرة ولا الواقع ... والالم المننا ماطالع ...
    تدخل الفتاة (تجرجر خطواتة .... تعاين   وتفتش في الواطة ...
    الفتاة      ياهووو  .... امرق  امرق  ولو ماك مارق امرق حسك .... ما سامعة خطااك ...
    اووه  لا حسك  ونفسك في الشارع ..  بس حاسة وجودك في جواي  ... انسان في الاصل بتشبهني ... انسان تتلون بيهو دماي ... انس.....- الشاعر اعاين  فيها ويتأمل ....
    الشاعر       يابت   يابت   مالك  ؟...... لي وين كرعيك علي الشارع ..... ؟الضل مانع عينينا تشوف .... امكن   تايهة  ؟   ؟....... ياااابت    ماسامعة .؟
    الفتاة    مالك يتشاب .... قولي مالك ؟
    الشاعر     بس شايفك ...........
    الفتاة    اهاااا  ذي  شايفك  وماعارف وين .... زي  الانك تشبهي لي ....حركات  مفهومه ومدروسه .... امسك ادبك امسك ادبك .... ليه لية   اااانا كل  ما امرق لي الشارع   الناس نظراته بتتصارع  ... اوووو كأني جسد مخلوق للمتعة .. .... لي  .ليه
    الشاعر    لا   لا  خالص ابد ابدا   شايفك بتفتشي  زي المنك شي ضايع ...
    الفتاة      ضاايع    ايوا  انا ...
    الشاعر     قصدك البيت ولا الشارع ....
    الفتاة       احتمال   البيت    او الشارع   عايز اقدر اصل لي نفسي . ....
    الشاعر    دي اشارة    خير  .......
    الفتاة      شارة خير !! ....شكلك مجنون .... اااانا بكرة جدا حركات الشفع  ...وواوووواعك تلعب ااانا ماعادية ذي   اي بنيه .\....فاهم .... وتعمل لي حنك النمل المبعضي دة ...
    الشاعر   برااااحة   برااحة  شوية .....قصدي   في ناس عرفت معني الضل  ...  وكيف  في العالم اقدر   يتحكم ؟
    الفتاة   ضل ؟؟!! شنو يا ضل انت ... الضل الانا قاصداهو  دقنه وجلابية  وشال .... احسن ضل حيطة ولا ضل الرجال ...
    الشاعر     الضل الانا  قاصدو   الضل الخلي الناس تطاقش نص الشارع ...... اتنفسو من خرم الابريق ... ة والحال تضيف ... فهمتي .... ؟
    انا مايهمني ...  بس انا بكرهكم جت  عليكم .... وانا قاصدة اجنس الزكري .... سادية  عجيبة .... عنصريه   ... تمييز  نوعي   ...  عااارف  عارف يا دة ؟ .....انو انتو عملتو  خلل في الكون ...؟  ففي في كي كائن حي  الانثي  هي الملكة ... مم مثلا   شفته  النحلة   ... او انثي النمل  لمة تحب تتزاوج    بطير لي فووووق   فوق جدا  وواحد بس في الاخر يوصل  .... ويموت في الحال .... واحد  ... وااحد بس فهمته ... اما  عندنا  نحن  الراجل الواحد الف مرة ....... هااهاهاها   اتزوج  احمل   تسع شهور اليوم كامل  صباح وليل  وليل وصباح ...
    وفي الاخر يطلعوا بالاسموا ... ؟
    اتزوج  وراجاااااجل  ... دة محال عشان كده ما ممن يوم لي راجل اركع واستسلم...
    الشاعر    عندك حق
    الفتاة     هاهاها  عندك حق    انا كلي حق .... بالمناسبة  انت منو ؟
    الشاعر     انا الراجل .. اهه انا الداعر ... اناا الشاعر  ... ايوا انا الشاعر ؟
    الفتاة     شاعر   ؟ّّّ... شاعر تاني ...عينيك وخدودك   ولون شفتيك ؟ خصرك وقامتك وطول نهديك   ليه   ليه  ... وكلام  في الحب تبدي مغازل ... وتبقي مواصل  نفسي المنوال لامن تلقي لحد الفاصل .... ليه   ليه  ؟ اي
    الشاعر    لا   لا   لا   خالص ما من النوع ده ...
    الفتاه     كلهن بقولوا كدة .
    الشاعر    انا زول تاني  ... انا بكتب كلمه تشع النور ... تفضح الغايب والمستور ... والضلمه بيوت ... والخوف تبوت ... والناس بتصارع في الشارع ... وانا  واحد من شعب مضارع   ... سميت ومشيت مامتراجع..
    الفتاه       مشيت لي وين  وصلحد وين ؟
     الشاعر     وصلته  لي  انو الضل ملهم   احساس الخوف ... والخوف درجات في اخرو الهم ... العتمه وفقدان الزات .....
    الفتاه      ايوا   هو دة نفسو   احساس با انك ماموجود  ... وفراغ جواك ماليهو حدود وكل الايام   ليك تتشابه وتخاف من بكرة .... ترجع تتمسك بالزكرة .
     
    الشاعر     ايوااا كدة فهمتيني     لا زم نتمسك با بكرة ونزيل الضلمه وحد الخوف ....
    الفتاه    الضل الضال  موجود ... يتربص بالواقع ... وامل  مفقود  ياس كبير ماليهو   حدود
    الشاعر     نتحدي الخوف    .... ومهما كان الليل طول .... شموسنا بتشرق..... وعيونا  تشوف
    الفتاه    شاعر شارع  ممتد  لي فوق ...
    اغلاغ النوافز .... لفتح المناور لرؤية مشهد جديد ...فية القاسم   فاير وغاضب
    القاسم    وينو الفنان ؟
    عبد القاسم    شاعر    شاعر
    القاسم     شاعر  فنان  شيطان .....وينو ؟
    عبد القاسم    اهاهاااااا اه  جيبو الشاعر
    القاسم    رغم التعتيم ...رغم الاظلام ....لسه في ناس بتفكر صاح ؟
    عبد القاسم    ممكن توضيح .... الزول دة اكيد مجنون ....؟
    القاسم     مجنون مديون ...من وين ؟ جابو عقل التفكير ....
    عبد القاسم     اهاهاه  احتمال  اجرو ....
    القاسم      ياااطيرة  ركز معاي .... انت مش عندك في نص القانون  الغناء بصوت عالي ممنوع ممنوع .... ولا اصبح صوتك مامسوع ؟
    عبد القاسم    لا خا لص مسموع   مسموع   بس دة شاعر   ....او بفتكر انو في ايد خارجية ادخلت في الموضوع
    القاسم     وينو الشاعر ...
    عبد القاسم    جيبو الفنان ....(يدخل الشاعر )
    القاسم     مرحب مرحب ....اهلين مرحب يا شاعر .......يافنان ...انا احب جدا فكر الشعرا...ديمة تهم فرح انسان ...عارف انا ارفك شاعر باهم الناس وانا برضو كمان ....وكتير افكارنا بتتشابة ......عرفني شويه عن نفسك ؟
    الشاعر     انا حلم الناس ...معروف لي الكل .... اصحي الامل الفي قلوبن .... واكسر صمت الخوف بركان ....من تاني اعيد قاب الشارع  بالامن الصدق الثقة  والحب  وحاجات  في العالم مفقودة ..... من غير ماتخاف   من كل صباح تشرق     افراح بدل الاحزان ....
    القاسم     دة كلام جميل ... سبحن الله  نفس الافكار ..... بس جيت من وين ...؟؟
    الشاعر     من رحم الارض ...
    عبد القاسم    هاهاها   قايم بروز يعني ؟
    الشاعر     لا  قايم مزروع .... في قلوب الناس ....العايشة الهم الخوف والجوع ....
    القاسم    انت انسان غير عادي    لا بد تكون  زي نجم بعيد  ما تصلو اليد ...
    الشاعر     لالا   لابد اكون مابين الناس اديها حروف مليانه احساس ....وبي كل اخلاص لابد يكون  في اخر خلاص   ....من ظلم الواقع ...ع كاتم عي الانفاس
     عبد القاسم       يعني حتي كان قلنا ليك  شقه وعربية وبيت مفروش واحلي عروس ...
    الشاعر    انا بيع نفسي    دة محال ....
    القاسم     انت افكارك حالمة جميلة ووردية .....بدل ماتموت في عفن الشارع ...وانا متاكد ماظن تلقي العقل السامع .....
    الشاعر    دة محال ..... ابيع احلام انسان علي طول جواي يحلم بالحب .... الخير ...الشمس تلامس خدينو والارض تلامس ايدينو  ...دة محال .
    القاسم    انت عارف انا منو ؟
    الشاعر     ماظنيت .....
    القاسم     انا كل الناس  انا الشاغل  قلوب الكل.......انا العامل والدكتور ...انا المصنع والجامع .....الشارع .... وانا الواقع .لا بتغير لا بتبدل .... واكل الناس تخاف اسمي ....
    انشالله تكون  فاهمني ...
    الشاعر    انت العتمة .... الفي قلوبنا .... الخوف من باكر وكل صباح ...مجرد ضل بتخاف لمة الشمس بتشرق ....لانك زيف  بتخاف الضو .... بتزل الناس با كلمة هو .... بكرة الشمسنا تشرق ...وتبين انك فارغ ...
    القاسم   اسمع  يا..... لا بد تختار يا اما تكون سيد نفسك نقفول ووحيد ..... ويااااا اما تكون سيد غيرك وتعيش سلطان ....فكر
    عبد القاسم      هاهاهااه سيد سيد  والناس  خدام .... في اي محل دايما قدام ... فكر بشويش ...
     الشارع فاتح قدامك  الشارة منورة ضو اخضر ....
    القاسم     ومعانا اكيد انت الكسبان ....
    الشاعر    دة محال    .... انا اصلا جيت من بطن الطين .....عرق الكداح الناس الشايلة في ايدا الشمس  وبتحلم لس يجيها صباح ..... من غير ماتخاف  والباب والشارع متحدين .
    القاسم    انت عارف الضدنا   بوصل وين ؟ 
    عبد القاسم    اوعك تستعجل يا مسكين ....الوش  التاني معفن وشين ....
    الشاعر     متعود   انا عارف الزيك بي وشين ....
    القاسم     كفايا    الصبر نفد    خليك  تعرف معني الضد ......
    (يخرج القاسم وعبد القاسم ....
    مشهد استعرضي تتم فية عملية التعزيب )
    كيف ترفع عينك في الشارع
    مكسور من جوه ومتألم
    بتكورك وحسك ماطالع
    مهموم واحساسك متأزم
    مد ايدك في جوه حروفك
    واطلع من المك من خوفك
    لسة عيون الناس راجية تشوفك
    مد ايدك صحي الامل انام
    في وميض ضوك ساطع
    اطلع لي الناس وسط السارع
    يا واحد من شعب مضارع
    سميت ومشيت مامتراجع
    (انسان شايل في عيونو الخوف
    للعالم اعاين بالرقراق
    في ايدو قلم مقسوم نصين
    رجليو وسخانه مجلبطة طين
    اشر لنيل
    والنيل متسرع جاري الموج
    والموج ما عارف واصل وين ؟
    -      عاين دنقر  صنقع وصنقر
    -      فكر قرر
    -      من تاني وقف لنيل اشر)
     
    تدخل الفتاة
    الفتاة      وينن كلماتك ياشاعر .....اوقف من تاني واترجل ... دوزن لي الناس  بالفي الخاطر ...اوعك تتهاون وتستسلم ...لسع جواك  كلمات بشع بالنور ... واحلام الناس تتحدي السور
    بحروفك خلي الضلمة تفوت والضل الضال لابد يموت ....
    الشاعر    يابت من نور ... كيفن والخوف اتحدي القول ....
     الفتاة    معقول    ... معقول  دة كلامك ياشارع   ..بتخلي الخوف فينا يصارع ...وقبيل  قلته  انك من شعب مضارع   سميت ومشيت مامتراجع ..... وصلتة بانو الخوف درجات ...والضلمة بيوت ... والخوف تابوت .. خليتنا معاك نحلم تاني  ...كيفن نرجع من تاني نعاني
    ... قوم شم الواطة  شان تعرف انك من طينا ...الشارع هسع راجينا ....
    الشاعر    سيف الشيطان   بالخوف ممدود والضلمه بقت ماليها حدود ....
    الفتاة    بس نحن  كتار   الكيفن نحتار ... لازم نتحدي وبي اصرار ...ونشيل الضلمة الفي الانظار .... والناس  حتشوف الظلم الضار ....والموت اقدار ....
    الشاعر    يالله نمش نخلي الناس تعرف تختار ,,,.... (يخرجون)
    مشهد تاني   فيهو القاسم وعبد القاسم
    عبد القاسم      تفتكر  الضو ممكن انصاع  لي طلب الناس ....
    القاسم   ياهي  اسمع طول مانحن في ايدنا   المال  والسيف والصوط مابطلع صوت  

    مكن حبه الشارع اجوط  لكن ... علي شان الضلمة  الخوف تابون .... متعة عظيمة الالم المر ... واحساس الزل  ...لا يوم تنزل ....وانسان اتعلم ايش في الضل لا صوت  لا قول بيعبر بي هز الاكتاف ..... انا العامل الحوليك اناس البراها الكان تختار ...علي شان الخوف ما عندو حدود  والناس بتعيش جماعات  بتحاف ن صوت المطرة ....
    عبدالقاسم    اهاااها  هاا انت استفدة من ضعفهم ....
    القاسم     اكيد   والمهم تعرف نقاط ضعفهم  ....ممكن تتملك احساسن وكل امالن واحلامن ... في ضلك  تحلف وتتعشم في كرمكمك تقسم وتتوسم
    علك تفهم
    عبد القاسم    انا  ما خاايف .... طول مافي حمايتك وفي ضلك ..(ضجة عالية واصوات بشرية )
     اااااانا سامع   صوت   بي برة يجوط      ااامممم امكن شارع شالمركوبو
    القاسم      اسبت اكتم    لحظةالنسمع   امكن نفهم......
    عبد القاسم     كيف    والناس البرة  تلف وتجوط   ....ااسكت است     طفي  الانوار  
    الفي الشارع
     عبد القاسم     لكن دما انوار دي الناس الضاويه شموع    ....
    القاسم       كيف ... ؟؟؟؟بتقول الناس هي الضاوية شموع    غريبة   كيف قدرة رقم الاام والخوف والجوع .... تصحي تصارع     وقم الضلمة   تشق الشارع ......
    عبد القاسم      الناس حتخش  ....
    (يدخل  الشاعر والفتاة وكل الشخصيات السابقة  يحملون الشموع  ....
    عبد القاسم    هي    ياااا طشم السيف السوط    في   راسكم هس    بتلق خطوط    احسن ترجعوا
     
    (يرفع الصوت  نحوهم  محاولن اخافتم    لكن تبق الشخصيات سابته . فيسقط السوط
    مشهد يشع بالانوار  تضي  في قلب الناس  فترقص احرف الشاعر ..... لتعن  مجيئ شمس الأمل المفقود عالم بلا قيود
    لتقل نهاية  سعيدة  .............. ,ولكن تاتي اصوات الظلام  من خلف  غضان   الزمان
    نحن  هواجس الخوف الفيكم
     ومها الضو في العالم كان
    نحن الاخر دايما ليكم
    ومها الفرح امتد شوارع
    نحن الخوف وومرارة الواقع
    نحن الساد
    بكرة  احلامكم لينا وسادة
    نحن الخوف اليكم راجع
     
     
     
    تمت
     
     
    المرفقات
    مشهد اول.doc
    لا تتوفر على صلاحيات كافية لتحميل هذه المرفقات.
    (84 Ko) عدد مرات التنزيل 2

      الوقت/التاريخ الآن هو الثلاثاء أغسطس 14, 2018 1:17 pm