موقع الشاعر والمسرحي مؤيد الأمين

تمت اضافة فيديو جديد من طرف الشاعر مؤيد الأمين https://youtu.be/a0lYjWZ-lxc
عزيزي الزائر مرحبا بك في منتديات الشاعر مؤيد الأمين اضعط علي تسجيل للتمتع بمزايا اخري
احلي المواضيع والمناقشات هنا سجل وشارك

    سارق وطن

    شاطر
    avatar
    مؤيد الأمين

    عدد المساهمات : 96
    تاريخ التسجيل : 07/02/2014

    سارق وطن

    مُساهمة من طرف مؤيد الأمين في الثلاثاء يناير 19, 2016 4:08 pm

    سارق وطن

    كر السواد كر السكن
    ولدا قبيل لي حاج حسن
    سراق معيز
    شراب سجار لعاب قمار
    هسع كمان ساارق وطن
    خامي الخلق
    بالسبحة في اليد اليمين
    ولدا قبيل ملياان عفن
    لاميلو عصبة اولاد حرام
    همباااته سواية فتن
    سونا معراكة و خبوب
    فجولنا قبرا صااني صن
    كربونا با حبل السكات
    باعونا في السوق بي بلاش
    طلقونا لاضل لا سكن
    شبعنة باوعود الكزب
    لمه الخلق لجغ رطن
    جمع الضهاب .. لابساالة كاب
    ملقاية في الجو السخن
    لجغ رطن ...
    والناس تكورك الموية وين
    لجغ رطن
    الغاز وعيدان القطن
    لجغ رطن
    بصل المــــــلاح
    لجغ رطن
    حطب الطلح عود البخور
    شافع يموت هسة اتفطن
    لجغ رطن
    قدم وعوود بعديها صهين بالزمن
    والفينا من مات وادفن
    كبر وهلل دون وضو
    همو السواعد ياشباب
    حي الجهاد الراحة في جنة عدن
    لجغ رطن
    واشعب لسع مــــــــافطن
    زولا اكيد مافيو رجا
    لاخير ولا شيتا حسن
    الفينا من غبن الســـــــنين
    لمتين ترد هادا التمن
    كر السواد خرب البلاد
    ياحليل قبيل ضل الضحي
    وقلبا حنين
    العيشة ماقست قلب
    لمن بنيات الفريق تمشي الفزع
    غواغية تلدغ فوق قطن
    شفع بتلعب في شليل
    في كوكرع .. والعيش خدار
    تسرح تدبز في الترع
    في الناس بشاشة وابتسام
    مافيها من زولا جزع
    كر السكن كر السواد
    هس العباد فقدو البصاير والسمع
    تمشي وتطاقش في الحجار
    تبحت عشان تلقالا عيش
    سرعة انكرب خفف خطااك
    الغاز قطع
    النور قطع
    الجاز قطع
    الزيت قطع
    نفس انقطع
    يوماااتي في نفس الوجع
    همباتة قسمت الخلق
    مليانة بالزيف والطمع
    قشمانة مابتعرف حمد
    ملهوفة مابتعرف شبع
    كر السكن
    بتحاحي بالدين والدقون
    وتبيعنا بي ابخث تمن
    لمتين غشاوت الخوف تزول
    ونقوله كفي
    يرجع اعود بينا الزمن
    نرجع نصونك ياااوطن


    Www.muaiad.lolbb.com

      الوقت/التاريخ الآن هو الخميس سبتمبر 20, 2018 2:53 pm